Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 1.144.3 | Hdt. 1.146.1 (English) | >>Hdt. 1.147.2 |
1.145.1
δυώδεκα δὲ μοι δοκέουσι πόλιας ποιήσασθαι οἱ Ἴωνες καὶ οὐκ ἐθελῆσαι πλεῦνας ἐσδέξασθαι τοῦδε εἵνεκα , ὅτι καὶ ὅτε ἐν Πελοποννήσῳ οἴκεον , δυώδεκα ἦν αὐτῶν μέρεα , κατά περ νῦν Ἀχαιῶν τῶν ἐξελασάντων Ἴωνας δυώδεκά ἐστι μέρεα , Πελλήνη μέν γε πρώτη πρὸς Σικυῶνος , μετὰ δὲ Αἴγειρα καὶ Αἰγαί , ἐν τῇ Κρᾶθις ποταμὸς ἀείναός ἐστι , ἀπʼ ὅτευ ὁ ἐν Ἰταλίῃ ποταμὸς τὸ οὔνομα ἔσχε , καὶ Βοῦρα καὶ Ἑλίκη , ἐς τὴν κατέφυγον Ἴωνες ὑπὸ Ἀχαιῶν μάχῃ ἑσσωθέντες , καὶ Αἴγιον καὶ Ῥύπες καὶ Πατρέες καὶ Φαρέες καὶ Ὤλενος , ἐν τῷ Πεῖρος ποταμὸς μέγας ἐστί , καὶ Δύμη καὶ Τριταιέες , οἳ μοῦνοι τούτων μεσόγαιοι οἰκέουσι . ταῦτα δυώδεκα μέρεα νῦν Ἀχαιῶν ἐστι καὶ τότε γε Ἰώνων ἦν .
ch. 146
1.146.1
Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 1.144.3 | Hdt. 1.146.1 (English) | >>Hdt. 1.147.2 |